SAWIRO: Kusimaha Madaxweynaha K/Galbeed Maxamed Xasan Fiqi & Midow Yurub oo Maanta Baydhabo…
Shir heer sare oo ay soo abaabuleen hayada FAO, Wasaarada Beeraha iyo Dowlad Gobaleedyada ayaa Maanta ka furmey Magaalada baydhabo , waxaa shirkaasi Furey Kusimaha Madaxweynaha koonfur galbeed ahna.
Gudoomiyaha Baarlamaanka ee Maamul gobaleedka koonfur galbeed Cabduqaadir Shariif Sheequnaa , waxaa kaloo goob joog ahaa Madax kasocatey Midow Yurub Mr. Martino vinci iyadoo ay joogeen Madaxda ugu sareeysa Hayada Cuntada Beeraha ee Aduunka FAO oo Masuuliyiintooda kala ahaayeen Richard iyo Madaxa beeraha ee FAO Jan helsen , waxaa kaloo Goob joog ahaa mudanayaal kasocdey dowliga Talyaaniga iyo Deeq Bixiyaal
Munaasabada shirka waxaa ka hadley Wasiirka beeraha ee Dowlada Federaalka Axmed Xasan gaboobe isagoo ka hadley qorshaha lagu shaqeyn doono Mustaqbalka (Qorshaha Istaraajiyada Qaran laga bilaabo 2016-2018 , waxaana lasoo bandhigey Buug ka hadlaayo Qorshahaasi.
Goobta waxaa kaloo ku sugnaa Wasiirada Beeraha ee Maamul Gobaleedyada Soomaaliaya , iyadoo meeshaasi uu ka hadley Wasiirka Beeraha ee Maamul gobaleedka KG Maxamed Xasan Fiqi oo ka hadley in waxqabad muuqda layimaadaan Beesha caalamka.
Dhibaatooyinka jirana ay wax ka qabtaan, aysan noqan wax maanta ku eg , DR. Fiqi ayaa yiri waa in sida ugu dhaqsi badan la maalgeliyaa beeraleyda Soomaaliya oo dhibaata ka haysata dhinaca wax soo saarka .
Gudoomiyaha Degmada Baydhabo Cabdullahi Maxamed Watiin ayaa si wanaagsan u soo Dhaweeye Maamul gobaleedyada Dowlada Soomaaliaya isagoo sheegey in loo baahan yahay Qorsha
Isteraajiyadeed ee lagu shaqeyn doono Sanadaha soo socda .
MUURINEWS.COM–BAYDHABO
ISHA WARARKA OO–DHAN
Nagala Soo Xiriir
muurinews@gmail.com© -2015 muurinews.com - Xulka Wararka oo Dhan - All rights reserved.
