Xiisad Colaadeed oo ka Taagan Degmada Buulo Mareer Ee Gobolka Sh.hoose
Wararka ka imaanaya degmada Buulo Mareer ee gobalka Shabellaha Hoose ayaa sheegaya in dhaq dhaqaaq ciidan halkaasi laga dareemayo,
iyadoo ay wadaan dhaqdhaqaaqaasi Beelaha Biimaal iyo Ciidamo katirsan Dowlada Federaalka oo garab siinaya Beesha Habargdiir.
Mid ka mid ah dadka ku dhaqan deegaankaasi ayaa sheegaya in shacabka halkaasi ku dhaqan ay soo wajahday wal wal, iyaga oo ka baqaya in dushooda lagu dagaallamo.
Ciidamo badan oo katirsan Beesha Biimaal ayaa la sheegay in meel duleedka ka ah Buulo Mareer ay soo buux dhaafiyeen, waxaana dadka ay ka baqayaan in Magaalada uu Dagaal ka qarxo.
Dhanka kale Ciidamo katirsan Militariga Dowlada Federaalka oo uu hogaaminayo Sarkaal lagu magacaabo Xasan Jaamici oo kasoo Jeeda Beesha Habargidir ayaa iyaguna dhankooda waxey dhaq dhaqaaq Ciidan ka wadaan Degmada Buulo Mareer.
Isku socodkii Shacabka ee Degmada Buulo Mareer ayaa yaraaday, waxaana Dadkii tirada yaraa ee awal ku haray Magaalada ay isku diyaarinayaan sidii ay halkaasi uga bixi lahaayeen.
Nagala Soo Xiriir
muurinews@gmail.com© -2015 muurinews.com - Xulka Wararka oo Dhan - All rights reserved.
